Ferill 189. máls. Aðrar útgáfur af skjalinu: Word Perfect.
1993. – 1063 ár frá stofnun Alþingis.
117. löggjafarþing. – 189 . mál.
271. Svar
viðskiptaráðherra við fyrirspurn Einars Más Sigurðarsonar um stuðningsaðgerðir til dreifbýlisverslunar.
Fyrirspurnin er svohljóðandi:
Hvernig var þeim fjármunum varið sem samkvæmt fjárlögum ársins 1992 áttu að fara í stuðningsaðgerðir til dreifbýlisverslunar?
Á fjárlögum ársins 1992 voru 2 millj. kr. ætlaðar til styrktar dreifbýlisversluninni. Stofnað var til nokkurs kostnaðar árið 1992 vegna sérfræðiþjónustu sem ekki kom til greiðslu fyrr en á þessu ári. Því var ákveðið að flytja þessa upphæð milli ára.
Starfandi er nefnd sem kanna á möguleika á aukinni hagræðingu dagvöruverslunar í strjálbýli og þéttbýli og hugsanlegan þátt ríkis og sveitarfélaga í slíkri hagræðingu t.d. með breyttum starfsreglum, skipulagsaðgerðum og samgöngubótum. Umræddir fjármunir munu væntanlega verða nýttir þegar tillögur nefndarinnar koma til framkvæmda.