[16:48]
Frsm. meiri hluta menntmn. (Sigríður A. Þórðardóttir) (andsvar) :
Virðulegi forseti. Ég treysti sveitarfélögunum mjög vel fyrir þessu verkefni og ég tel raunar eins og ég sagði áðan í minni framsögu að þau hafi sýnt vilja sinn í verki nú þegar til þess að standa vel að rekstri grunnskólans.
Hvað varðar þau síðari atriði sem þingmaðurinn nefndi, að skólamálin ættu að vera forgangsmál og vitnaði þar m.a. í ummæli mín, þá stend ég við þau ummæli. Það er sannfæring mín að skólamál eða menntamál eru stærstu efnahagsmálin því að það að vel sé staðið að þeim er í raun og veru undirstaðan undir öllu hinu, undirstaða velferðar og framfara.