[16:03]
Guðrún Helgadóttir (andsvar) :
Hæstv. forseti. Það sem af er þessu ári hefur gjaldeyrisforði Seðlabankans lækkað um 8 milljarða eða 25%. Með tilliti til þess sem nú gerist um áramótin þá vil ég spyrja hæstv. forsrh.: Hvenær hyggur hann að hætta sé á ferðum? Hvaða viðmiðun hefur hann? Hversu mikið má nota gjaldeyrisforða Seðlabankans til að halda jafnvægi í efnahagslífinu án þess að hætta sé raunverulega fyrir höndum?