[17:37]
Sjávarútvegsráðherra (Þorsteinn Pálsson) (andsvar) :
Herra forseti. Aðeins vegna þess mats sem legið hefur af hálfu vísindamanna þá er rétt að taka fram að vísindamenn hafa ekki átt von á því að síldin taki upp sitt gamla göngumunstur á þessu ári. Af þeirra hálfu hafa ekki verið spár um það að svo yrði, það tæki lengri tíma. Nauðsynlegt er að það komi fram í umræðunni að það liggja ekki fyrir neinar spár af því tagi af hálfu þeirra.
