Einar Oddur Kristjánsson (andsvar):
Herra forseti. Þessi umræða fer örugglega að tæmast bráðum. Það voru aðilar, smábátar, að stunda fiskveiðar með krók. Löggjafinn leyfði að inn í þennan hóp kæmi mjög mikill fjöldi og sannarlega hefur sá fjöldi þrengt lífsrými þeirra meira en annarra, það er staðreyndin, þannig að þetta sem löggjafinn ber ábyrgð á að við vorum að stækka flotann hefur sannarlega ekki komið síður þá en aðra. Það er mergurinn málsins.