[prenta uppsett í dálka] 118. fundur
Gunnlaugur M. Sigmundsson (andsvar):
Herra forseti. Út af orðum hv. þm. Hjörleifs Guttormssonar tek ég fram að ég tel það ekki stórmál í sjálfu sér að þurfa að draga upp vegabréf til að sýna á landamærum. Engu að síður held ég að það sé nokkurt mál fyrir þjóðarstolt Íslendinga að geta gengið um landamæri Evrópu án þess að standa þar í löngum biðröðum og bíða eftir að vera afgreiddir. Við erum eftir allt saman Evrópubúar og viljum vera meðhöndlaðir eins og frændur okkar í nálægum ríkjum og það held ég að skipti kannski mestu máli í þessu sambandi.
