Gísli S. Einarsson:
Herra forseti. Þessi grein sem hér um ræðir er ein þeirra sem hvað mestum breytingum hafa tekið og er reyndar ný grein í frv. Hún er sett án samráðs við verkalýðshreyfinguna. Í framkvæmd geta ákvæði greinarinnar lagt niður verkalýðsfélög í minni byggðarlögum og veikt stéttarfélögin í núverandi mynd í stærri byggðarlögum. Ég styð ekki slíkar aðgerðir og greiði því ekki atkvæði.