Forseti (Ólafur G. Einarsson):
Um fundahaldið í dag vill forseti segja eftirfarandi: Að venju eru atkvæðagreiðslur settar efst á dagskrá fundarins en atkvæðagreiðslur munu væntanlega verða um kl. 2 í dag. Við munum taka fyrst fyrir á þessum fundi 9.--11. mál sem eru samhangandi, Póstur og sími, og síðan gerum við stutt matarhlé um eittleytið. 8. dagskrármálið, fyrirspurnir til ráðherra, verður kl. 13.30 og þar á eftir atkvæðagreiðslur. Síðan höldum við fundinum áfram samkvæmt dagskrá að langmestu leyti.