[prenta uppsett í dálka] 22. fundur
[14:15]
Guðjón Guðmundsson (andsvar):
Hæstv. forseti. Hæstv. dómsmrh. beindi þeim orðum til mín að menn yrðu að skoða málið í heild og sætta sig við takmarkanir. Það er nákvæmlega það sem ég var að reyna að segja í minni ræðu áðan, með skýrum hætti, að ég hélt, að ég sætti mig ekki við þær takmarkanir að gamalgróin, falleg íslensk nöfn skuli bönnuð, en á sama tíma skuli tekin hér upp og leyfð alls konar orðskrípi og ónefni sem íslensk nöfn.
