[prenta uppsett í dálka] 25. fundur
[15:28]
Ásta R. Jóhannesdóttir (andsvar):
Herra forseti. Mig langar aðeins að gera athugasemd varðandi þessa hugtakaumræðu. Hvort sem um er að ræða íþróttaiðkun eða keppnisíþróttir þá hvetur þátttaka kvenna í íþróttum einnig til líkamsræktar. Þetta er því allt samtengt og við erum í raun að tala um líkamsrækt og íþróttaiðkun í heild. Það er mjög mikilvægt að það komi hérna fram. Varðandi afskipti hins opinbera af rekstri Ríkisútvarpsins og umfjöllun þar, þá eru jafnréttissjónarmið ekki í heiðri höfð þar varðandi íþróttaumfjöllun. Við erum hér með jafnréttislög og viðgangist slíkt þarf auðvitað að taka í taumana. Þess vegna var ég að tala hér áðan um jákvæða mismunun, kannski tímabundna, þar til hlutur kvenna hefur verið réttur í umfjöllunum í íþróttaþáttum fjölmiðla.
