[15:59]
Dómsmálaráðherra (Þorsteinn Pálsson) (andsvar):
Herra forseti. Ég held að það sé ekki mikill munur á skoðunum mínum og hv. þm., sem hér talaði, að þessu leyti. Ég fagna því að fá stuðningsyfirlýsingu við að ná fram sparnaðarmarkmiðum á öðrum sviðum og ekki síst eins og þeim sem við höfum verið að reyna að koma fram í yfirstjórn kerfisins sjálfs og vonandi eigum við eftir að sjá meiri árangur á því sviði. Ég hef sannarlega saknað þess að hafa ekki fengið nægan stuðning við það á undanförnum árum en vonandi verður þar bót á.