[prenta uppsett í dálka] 59. fundur
[15:05]
Forseti (Ólafur G. Einarsson):
Forseti vill geta þess við upphaf þessa fundar að áformað er að þingfundur hefjist ekki fyrr en kl. 2.30 á morgun og það er gert til þess að skapa nefndunum rýmri tíma til fundahalda.
Þá er þess að geta að samkomulag er um það meðal formanna þingflokka að kl. 2.30 á morgun fari fram utandagskrárumræða um fíkniefna- og ofbeldisvandann. Gert er ráð fyrir að umræðan standi í eina og hálfa klukkustund og reikna má með tveimur fundum á morgun.
