[prenta uppsett í dálka] 69. fundur
[16:03]
Jóhanna Sigurðardóttir:
Virðulegi forseti. Þessi ríkisstjórn vegur að öldruðum úr mörgum áttum. Hér er verið að afnema að fullu þann skattafslátt sem Alþingi samþykkti fyrir ári síðan að veita ellilífeyrisþegum, sem var í samræmi við yfirlýsingu ríkisstjórnarinnar þá um að jafna kjörin í landinu og þá áherslu sjálfstæðismanna að afnema tvísköttun á lífeyri aldraða. Þessi skattafsláttur gæti numið, ef hann hefði fengið að haldast, um 22--82 þús. kr. á ári, miðað við meðallífeyri hjá ellilífeyrisþegum í SAL-sjóðunum og Lífeyrissjóði starfsmanna ríkisins. Þetta er ein af mörgum atlögum ríkisstjórnarinnar nú að öldruðum og sennilega ein sú versta. Ég segi nei.
