[prenta uppsett í dálka] 98. fundur
Sjávarútvegsráðherra (Þorsteinn Pálsson) (andsvar):
Herra forseti. Hv. 5. þm. Vestf. vék hér að heimildum til dragnótaveiða. Ég vil aðeins árétta það sem fram kemur í frv. að gert er ráð fyrir því að það þurfi ekki sérstakt leyfi til dragnótaveiða á þeim svæðum sem almennt eru opin fyrir togveiðarfæri. Hins vegar þurfi slíkt leyfi innan þeirra svæða og þau verða þá bundin við skip sem eru undir tilteknum mörkum.
