[prenta uppsett í dálka] 117. fundur
Frsm. sjútvn. (Vilhjálmur Egilsson):
Hæstv. forseti. Það er mér sérstök ánægja að mæla hér fyrir nál. frá sjútvn. um till. til þál. um tilraunavinnslu á kalkþörungum í Húnaflóa og Arnarfirði.
Nefndin hefur fjallað um málið og farið yfir umsagnir sem bárust frá Hafrannsóknastofnuninni og Rannsóknastofnun landbúnaðarins.
Nefndin leggur til að tillgr. orðist þannig:
Alþingi ályktar að fela sjávarútvegsráðherra að láta kanna hagkvæmni mögulegrar kalkþörungavinnslu á helstu útbreiðslusvæðum þeirra, svo sem í Húnaflóa og Arnarfirði.
Fyrirsögn tillögunnar verði: Till. til þál. um könnun á hagkvæmni kalkþörungavinnslu.
Guðný Guðbjörnsdóttir sat fundinn sem áheyrnarfulltrúi og er samþykk áliti þessu.
Undir þetta ritar gjörvöll sjútvn.
