Kristín Ástgeirsdóttir (andsvar):
Hæstv. forseti. Það er nefnilega mergurinn málsins að ef ákveðið verður að lengja tímann aftur þá mun þessi breyting bitna á ákveðnum hópi guðfræðikandídata. Það verður ákveðinn hópur sem lendir í því að fá minni starfsþjálfun. Og ef guðfræðideildin telur að þörf sé á lengri starfsfræðslu þá er ekki ólíklegt að reynt verði að þrýsta á að svo verði þannig að niðurstaðan verður sú að það verður ákveðinn hópur guðfræðikandídata sem verður fórnarlamb þessa niðurskurðar. Og það er ekki ásættanlegt, herra forseti.