[prenta uppsett í dálka] 124. fundur
Forseti (Ólafur G. Einarsson):
Forseti skilur það að erfitt er að halda langa fundi, og ekki samkvæmt venju, þegar útvarps- og sjónvarpsumræður eru að kvöldi en forseti metur það nú svo að atkvæðagreiðslur sem eftir eru taki varla meira en 15--20 mínútur. Það er samkomulag um hvernig atkvæðagreiðslunni er hagað í hinum stærri málum. Ef það reynist rangt þá er forseti reiðubúinn að endurmeta áætlunina um að halda áfram og ljúka atkvæðagreiðslunum. Forseti óskar eindregið eftir góðu samstarfi um það.
