[prenta uppsett í dálka] 0. fundur
Aldursforseti (Ragnar Arnalds):
Hinn 10. júlí sl. barst forseta Alþingis bréf frá Ólafi Ragnari Grímssyni þar sem hann tilkynnir í samræmi við úrslit forsetakosninga 29. júní 1996 og ákvæði stjórnarskrár að hann biðjist lausnar sem alþingismaður Reykjaneskjördæmis. Við sæti Ólafs Ragnars Grímssonar tekur 1. varaþingmaður Alþýðubandalagsins í Reykjaneskjördæmi, Sigríður Jóhannesdóttir kennari, og verður 8. þingmaður Reyknesinga. Hún hafði áður tekið sæti á Alþingi á þessu kjörtímabili sem varamaður. Ég býð hana velkomna til þingstarfa.
