Heilbrigðisráðherra (Ingibjörg Pálmadóttir):
Virðulegi forseti. Varðandi fyrirspurn hv. þingmanns Guðmundar Árna Stefánssonar er því til að svara að verið er að endurskoða allt vaktsvæðið á Reykjavíkursvæðinu með tilliti til bæði sjúkraflutninga og læknavakta. Það eru læknavaktir í Hafnarfirði, t.d á St. Jósefsspítala og við höfum sérstaklega samið við St. Jósefsspítala um vaktir í bænum. Það er líka vakt á Sólvangi en neyðarbíllinn hjá Slökkviliði Reykjavíkur hefur þjónað Hafnfirðingum núna undanfarna mánuði.