Félagsmálaráðherra (Páll Pétursson) (andsvar):
Herra forseti. Ég get ekki fallist á að það sé verið að blanda saman óskyldum hlutum. Atvinnuleysistryggingasjóður leggur þegar verulega peninga til námskeiðahalds og til fræðslu og starfsmenntun í atvinnulífinu fer mjög vel saman með þeim verkefnum og einnig fjármagn til atvinnumála kvenna.
Starfsmenntaráð kemur til með að starfa áfram. Sérstök nefnd sem hefur séð um úthlutun á kvennapeningunum kemur til með að starfa áfram. Ég ber hið fyllsta traust til stjórnar Atvinnuleysistryggingasjóðs en þetta verður svona. Peningarnir verða hins vegar í fjárhagsáætlun Atvinnuleysistryggingasjóðs.