Hjörleifur Guttormsson (andsvar):
Virðulegur forseti. Ég saknaði þess mjög úr máli hæstv. ráðherra að ekki var vikið að þeim stóru verkefnum sem varða stafræna kortagerð, stafræn landfræðilegt upplýsingakerfi í mælikvarðanum 1:25.000 sem og önnur þau stóru verkefni sem bíða en alveg sérstaklega þetta. Eins það sem ég nefndi í fyrri ræðu minni varðandi það að ætla Landmælingum Íslands einhvern verulegan hlut í umhverfisvöktum og kortlagningu sem snertir þau mál sem ég sé að engu getið í frv. Ég vona að hæstv. ráðherra geti aðeins varpað ljósi á þau efni.