[prenta uppsett í dálka] 36. fundur
Frsm. allshn. (Sólveig Pétursdóttir) (andsvar):
Virðulegi forseti. Alveg burt séð frá mínum skoðunum á því hvort hækka beri sjálfræðisaldurinn og vafalaust eigum við eftir að koma að umræðum um það efni seinna á þessu þingi, þá er það nú svo að t.d. í Noregi og á Norðurlöndunum almennt, er sjálfræðisaldurinn 18 ár. En engu að síður er í sambærilegum hegningarlagaákvæðum miðað við 16 ár þannig að þetta er kannski spurning um skilgreiningu á því hvað eru börn og hvað eru ungmenni.
