Ferill 333. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. –
333
. mál.
604. Fyrirspurn
til forsætisráðherra um framkvæmd á „framtíðarsýn ríkisstjórnar Íslands um upplýsingasamfélagið“.
Frá Hjörleifi Guttormssyni.
Með hvaða hætti ætla stjórnvöld á næstunni „að gera almenningi auðveldara en nú er að fylgjast með starfsemi opinberra aðila, ná í þær upplýsingar sem sjálfsagt er að opnar séu landsmönnum
. . .
“, eins og segir í
Framtíðarsýn ríkisstjórnar Íslands um upplýsingasamfélagið?
Hversu mikið af gögnum Stjórnarráðsins, sem aðgengileg eiga að vera fyrir almenning lögum samkvæmt, eru lauslega áætlað þegar fyrirliggjandi á vef alnetsins, t.d. miðað við gögn sem urðu til:
fyrir árið 1990,
frá árinu 1990 að telja,
á árinu 1996?
Eru slík gögn Stjórnarráðsins, sem aðgengileg eiga að vera almenningi lögum samkvæmt, nú færð í tölvutæku formi til miðlunar á vefnum?
Með hvaða hætti verður mótuð heildarstefna um fjárveitingar af opinberri hálfu til að hrinda í framkvæmd þeim markmiðum sem snúa að opinberum aðilum og sett hafa verið fram í
Framtíðarsýn ríkisstjórnar Íslands um upplýsingasamfélagið? Liggja nú þegar fyrir vísbendingar um hver þörfin gæti verið í þessu skyni, t.d. næstu þrjú ár?
