Ferill 450. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. – 450 . mál.
841. Svar
dómsmálaráðherra við fyrirspurn Svanhildar Árnadóttur um björgunarlaun Landhelgisgæslunnar.
Fyrirspurnin hljóðar svo:
Hver voru björgunarlaun Landhelgisgæslunnar sl. sex ár?
Hvað er það hátt hlutfall af heildartekjum Landhelgisgæslunnar?
Hvernig er þessum fjármunum ráðstafað?
Björgunarlaun til Landhelgisgæslu Íslands sl. sex ár, þ.e. árin 1991–96, námu samtals 81.865.294 kr., sundurgreint þannig eftir árum:
1991
7.970.588
kr. (5 skipum bjargað)
1992
16.784.940
kr. (12 skipum bjargað)
1993
13.121.802
kr. (10 skipum bjargað)
1994
13.036.000
kr. (4 skipum bjargað)
1995
8.524.832
kr. (7 skipum bjargað)
1996
22.427.132
kr. (14 skipum bjargað)
Samtals
81.865.294
kr. (52 skipum bjargað)
Björgunarlaun renna ekki til Landhelgisgæslunnar sem tekjur heldur skiptast þau lögum samkvæmt (sjá 2. mgr. 169. gr. siglingalaga, nr. 34/1985, og 12. gr. laga nr. 25/1967, um Landhelgisgæslu Íslands) milli áhafna varðskipanna og Landhelgissjóðs, þannig að skipverjar þess skips sem í hlut átti hverju sinni skiptu með sér 2 / 5 hlutum framangreindrar heildarfjárhæðar á umræddu tímabili, en 3 / 5 hlutar, eða 49.119.176 kr. samkvæmt framansögðu, gengu til Landhelgissjóðs.
Fjármunum Landhelgissjóðs hefur verið varið til að koma upp strandgæsluskipum eða öðrum varanlegum tækjum til þarfa Landhelgisgæslunnar. Er það í samræmi við fyrirmæli 1. mgr. 18. gr. fyrrnefndra laga nr. 25/1967, um Landhelgisgæslu Íslands.