Menntamálaráðherra (Björn Bjarnason) (andsvar):
Herra forseti. Ég ætla ekki að ítreka það sem ég sagði um skipunartíma þjóðleikhússtjóra. Ég vil aðeins, vegna orða hv. þm., vekja athygli á því að textinn í nýsettum háskólalögum varð að lokum þannig að það er ekki skylda að skipta um rektor eftir fimm ár. Hins vegar er ákvæðið mjög svipað og er í þessum lögum þannig að auglýsa ber starfið að fimm árum loknum og sami maður getur boðið sig fram til þess að nýju.
Í þessu tilviki er talað um að eftir tvö fimm ára tímabil beri að auglýsa starfið.