[prenta uppsett í dálka] 55. fundur
Magnús Stefánsson (andsvar):
Herra forseti. Ég ætla ekki að víkja mér undan þeim ákvörðunum sem hafa verið teknar m.a. með mínum stuðningi í hv. Alþingi. Ég hef margoft gert grein fyrir því og dettur ekki í hug að víkja mér undan því. En það sem ég hins vegar var að ræða hér áðan varðandi vegáætlun 1998 var að ég gerði athugasemdir við það á sínum tíma, á sl. ári þegar upp komu hugmyndir eða það svona leit út fyrir að það þyrfti að gera atlögu að þeirri áætlun aftur vegna þess að menn voru að vinna að markmiðum í ríkisfjármálum. En sem betur fer liggur nú fyrir að þess þurfti ekki og það verður ekki gert. Ég ætla ekki að víkja mér undan því að ég tók þátt í því að skapa ríkissjóði tekjur frá vegáætlun á síðustu þremur árum. Ég vil vera fullkomlega heiðarlegur í því og standa við það. Ég held að ég hafi ekkert meira um þetta að segja.
