Flm. (Guðný Guðbjörnsdóttir) (andsvar):
Hæstv. forseti. Þessi svör valda mér mjög miklum vonbrigðum og sýna enn einu sinni að þessi ríkisstjórn hefur í raun og veru engan pólitískan vilja í þessum efnum. Það er algert grundvallaratriði til að þau fallegu orð sem eru í jafnréttisáætluninni eða í stefnumálum og jafnréttismálum yfirleitt gangi fram, að til staðar sé pólitískur vilji. Og þessi orð ráðherrans sýna að þetta eiga aðeins að vera orð á blaði. Hér er ekki sú stefnufesta sem t.d. kom fram hjá Monu Sahl\-in í Svíþjóð, að þetta yrði forgangsmál og gengi í gegnum allt saman. Þetta á kannski að vera áhugamál jafnréttisráðherrans úti á útjaðrinum og nær e.t.v. ekki til neinna annrra ráðuneyta. Ég er mjög óánægð með þessi svör.