Guðný Guðbjörnsdóttir (andsvar):
Virðulegi forseti. Ég vil taka undir margt í orðum hv. þm. sem hér hefur nýlokið máli sínu. Þó geri ég fyrirvara við það þegar hann segir að ákveðið sé að jafnaðarmenn og Kvennalistinn fari í samstarf fyrir næstu kosningar. Það er ekki ákveðið. Við vinnum að sameiginlegri málefnaskrá, þessir þrír flokkar en ekkert hefur verið ákveðið í því sambandi. Ég vil aðeins ítreka það.