[prenta uppsett í dálka] 72. fundur, 122. lþ.
Svavar Gestsson (andsvar):
Herra forseti. Varðandi spurninguna um skatt og ekki skatt þá vísa ég til ræðumanna okkar alþýðubandalagsmanna fyrr í dag, hv. þm. Margrétar Frímannsdóttur, hv. þm. Steingríms J. Sigfússonar og hv. þm. Kristins H. Gunnarssonar og í sjálfu sér er ekkert meira um það að segja. Afstaða okkar í þeim efnum er algerlega skýr.
Varðandi hins vegar það hvaða áhrif tillaga af þessu tagi hefur á aðrar tillögur sem hafa komið fram í þinginu þá er það auðvitað mál flutningsmannanna sjálfra að meta hvað þeir gera í þeim efnum. Ég þakka hv. 2. þm. Vesturl. fyrir hlýhug í garð okkar alþýðubandalagsmanna en við munum sjálfir af bestu getu reyna að meta hverjir eru hæfir til samstarfs við okkur og hverjir ekki.
