Utanríkisráðherra (Halldór Ásgrímsson):
Herra forseti. Sú þáltill. sem hér er á dagskrá um staðfestingu samnings milli Íslands og Færeyja um fiskveiðar innan íslenskrar og færeyskrar lögsögu er m.a. fylgifiskur samningsins um veiðar úr norsk-íslenska síldarstofninum. Samskipti okkar við Færeyinga á sviði fiskveiðimála hafa verið vinsamleg og mikil samstaða hefur verið um þau á Alþingi.
Ég vísa til athugasemda við þáltill. og legg til að málinu verði vísað til hv. utanrmn. að lokinni þessari umræðu.