Jóhanna Sigurðardóttir:
Herra forseti. Hér skýtur aftur upp kollinum enn ein gjaldtakan. Enn er kostnaður fólks aukinn í formi ýmiss konar gjaldtöku sem þessi stjórn Íbúðalánasjóðs á að ákveða. Þessi sjóður á að standa undir sér sjálfur með kostnaði, vöxtum og gjaldtöku. Hér getur verið um að ræða 70--100 þús. kr. meiri kostnað en kaupendur hafa þurft að bera og ég segi auðvitað nei við því.