[prenta uppsett í dálka] 135. fundur, 122. lþ.
Sigríður Jóhannesdóttir:
Hæstv. forseti. Samkvæmt þessari grein er ekki lengur gert ráð fyrir að stuðningur við landbúnaðinn á sviði jarðabóta, búfjárræktar, leiðbeiningarstarfsemi og atvinnuuppbyggingar í sveitum sé lögbundinn heldur verður hann háður samningum sem eru gerðir til fimm ára í senn og endurskoðanlegir annað hvert ár. Ég tel að þetta stefni stuðningi hins opinbera við landbúnaðinn og þær framkvæmdir sem til framfara horfa í þeirri grein í mikla tvísýnu og vil því ekki greiða þessari grein atkvæði mitt.
