Sjávarútvegsráðherra (Þorsteinn Pálsson):
Herra forseti. Vegna fyrirspurnar hv. 8. þm. Reykn. vil ég taka fram að ekki stendur til af hálfu ríkisstjórnarinnar að flytja á þessu þingi frv. til breytinga á fiskveiðistjórnarlögunum um þær grundvallarbreytingar sem hv. þm. var að inna eftir.
Af minni hálfu er hins vegar sjálfgefið að ef þessi mál koma til umræðu í þinginu samkvæmt þingsköpum er ég reiðubúinn að taka þátt í þeim umræðum.