[prenta uppsett í dálka] 140. fundur, 122. lþ.
Árni Johnsen:
Virðulegi forseti. Í flugmálaáætlun er gert ráð fyrir fjármagni til Reykjavíkurflugvallar á nokkurra ára bili. Það er ljóst að endurbygging Reykjavíkurflugvallar kostar um 1,5 milljarða kr. Menn vita væntanlega að áform eru uppi um að gera það í einum áfanga og byrja á því verki næsta ár. Það hefur tafið undirbúning málsins að borgaryfirvöld hafa dregið lappirnar í að ljúka skipulagningu gagnvart Reykjavíkurflugvelli og framtíðarstöðu hans og svör hafa ekki fengist til Flugmálastjórnar um það mál og á því stendur til þess að hægt sé að gera endanlega hönnun á enduruppbyggingu Reykjavíkurflugvallar. Svona stendur málið og lá síðast fyrir á flugráðsfundi í morgun. Ég segi já.
