[prenta uppsett í dálka] 140. fundur, 122. lþ.
Guðmundur Árni Stefánsson:
Virðulegi forseti. Hér er um smánarlegt framlag að ræða til brýnnar framkvæmdar og það er með ólíkindum að sérfræðingur Sjálfstfl. í flugmálum skuli koma hér og reyni að skjóta sér undan ábyrgð í málinu og bera hana á borgaryfirvöld. Það er fjarri öllu lagi en sýnir hina veiku málefnalegu stöðu ríkisstjórnarmeirihlutans í þessu máli. Auðvitað hefði hæstv. ráðherra og hv. þingmeirihluta verið í lófa lagið að leggja til myndarlegt fjármagn þó ekki hefði tekist að koma því öllu í lóg á svipstundu til að sýna raunverulegan vilja sinn. Viljann vantar og ég lýsi yfir fullri ábyrgð á hendur hæstv. samgrh., á Sjálfstfl. og Framsfl. í framkomu sinni gagnvart Reykvíkingum og landsmönnum öllum í þessu máli.
