Siv Friðleifsdóttir:
Virðulegi forseti. Það var ágætt að fá að vita að Íslensk erfðagreining ætlar sér ekki að kaupa Gagnalind hf. Mér skildist á svari hæstv. ráðherra áðan að það stæði ekki til. En fari svo að Íslensk erfðagreining sækist eftir að kaupa Gagnalind hf. Í hvaða sporum standa sjúklingar? Í hvaða sporum stöndum við sem vitum að þarna eru mjög viðkvæmar persónuupplýsingar? Hvaða tryggingu höfum við fyrir því að þær verði ekki misnotaðar?