[prenta uppsett í dálka] 28. fundur
Guðný Guðbjörnsdóttir:
Virðulegi forseti. Ég vil byrja á því að þakka hv. þm. Guðna Ágústssyni fyrir að taka þetta mál hér upp. Það er margt búið að koma fram í umræðunni en það er einkum eitt atriði sem mig langar að spyrja hæstv. sjútvrh. um og það eru sögusagnir um að ein ástæðan fyrir mun hærra nýtingarhlutfalli úti á sjó sé sú að ekki séu gefnar upp réttar aflatölur og þar af leiðandi sé nýtingarhlutfallið mun hærra þar upp gefið heldur en er í raun. Ég spyr hvort hann telji að þetta sé rétt og hvort honum finnist forsvaranlegt að þetta sé notað til þess að pína verkafólk í frystihúsum til þess að sætta sig við lág laun og jafnvel að vinna á vöktum, ég tala nú ekki um það að öll atvinnutækifæri kvenna í frystihúsum um allt land eru að leggjast af.
