[prenta uppsett í dálka] 36. fundur
Félagsmálaráðherra (Páll Pétursson) (andsvar):
Herra forseti. Ég er hér með þjóðlendufrv. og þar stendur:
,,Til að nýta land og landsréttindi innan þjóðlendu að öðru leyti en greinir í 2. mgr. þarf leyfi hlutaðeigandi sveitarstjórnar. Sé nýting heimiluð til lengri tíma en eins árs þarf jafnframt samþykki forsætisráðherra.``
Það er afar eðlilegt að sveitarfélögin fari ekki að ráðstafa landi, ráðstafa þjóðlendu eða hluta af þjóðlendu öðruvísi en umboðsmaður eigendanna, þ.e. forsrh., komi að málinu.
