Ísólfur Gylfi Pálmason (andsvar):
Herra forseti. Ég er ekki frá því að hv. þm. rugli eilítið saman lagasetningunni frá því í vor og hins vegar brtt. sem við erum að tala fyrir núna. Það kemur fram í brtt. þar sem við erum að tala um meiri háttar framkvæmdir að það er allt annað en það sem við erum að ræða um varðandi minni háttar gróðursetningar, breytingu á landnotkun og þess háttar. Það er nákvæmlega þess vegna sem við setjum fram þessar brtt. til að koma í veg fyrir slíka fjötra. Ég vona, eftir að hafa skýrt þetta út á þennan hátt, að menn skilji að þetta er nákvæmlega það sem ég er að meina en ekki það sem hv. þm. er að benda á sem eru atriði úr lagasetningunni en ekki brtt.