Ferill 223. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 286 – 223. mál.
Svar
sjávarútvegsráðherra við fyrirspurn Guðjóns Guðmundssonar um afla dragnótarbáta í Faxa
Fyrirspurnin hljóðar svo:
Hve mikill dragnótarafli barst á land úr Faxaflóa sl. fjögur fiskveiðiár:
a. heildarmagn hvert ár, sundurliðað eftir fisktegundum,
b. löndunarstaðir?
Í eftirfarandi töflu kemur fram heildarafli í lestum, sundurliðaður eftir tegundum sl. fjögur ár. Á þessum árum hafa veiðar verið heimilar frá 15. júlí og oftast staðið til 1.–15. desember. Þar sem veiðitímabilið nær yfir fiskveiðiáramót er í töflunni tilgreindur vertíðaraflinn, þ.e. afli tímabilsins 15. júlí til vertíðarloka:
Ár | Skarkoli | Sandkoli | Lúða | Ýsa | Þorskur | Annað | Samtals | ||||||
1993 | 1.056 | 1.882 | 26 | 61 | 78 | 42 | 3.145 | ||||||
1994 | 1.156 | 1.870 | 12 | 77 | 49 | 314 | 3.478 | ||||||
1995 | 1.149 | 1.949 | 9 | 62 | 81 | 217 | 3.467 | ||||||
1996 | 915 | 3.590 | 23 | 18 | 67 | 114 | 4.727 |
Tegundir undir liðnum „annað“ eru helstar steinbítur, karfi og ýmsar flatfisktegundir.
Dragnótaafla veiddum í Faxaflóa er nær eingöngu landað í Reykjanesbæ, Reykjavík eða á Akranesi. Flatfiskafli dragnótabátanna er að mestu leyti seldur beint til fjögurra fiskvinnslu