[prenta uppsett í dálka] 72. fundur, 123. lþ.
Margrét Frímannsdóttir (andsvar):
Virðulegi forseti. Ég hef verið viðstödd umræður um aðlögun Atlantshafsbandalagsins að breyttum tímum, en hér er tekið á þessu sérstaklega út frá aðlögun Íslands, breyttum aðstæðum, og það hafa orðið m.a.s. þær breytingar innan Atlantshafsbandalagsins að möguleikar okkar á því að koma sjónarmiðum okkar á framfæri eru meiri en áður. Ég fór yfir það um daginn að í samstarfssamningi Samfylkingarinnar, starfssamningi til fjögurra ára, eru ekki áætlaðar nokkrar breytingar á aðild að NATO.
