Frsm. efh.- og viðskn. (Vilhjálmur Egilsson):
Virðulegi forseti. Ég mæli fyrir nál. og brtt. frá efh.- og viðskn. við frv. um breyting á lögum um brunatryggingar.
Öll nefndin skrifar undir álitið. Málið var sent til umsagnar og menn komu til fundar við nefndina eins og fram kemur í nál.
Nefndin gerir tillögu um örlitlar breytingar. Í fyrsta lagi er tæknileg breyting við 1. gr. Um er að ræða orðalagsbreytingu.
Síðan eru gerðar þrjár tillögur til breytinga á 2. gr. Veigamesta breytingin og sú sem máli skiptir kemur fram í c-lið brtt., þar sem í stað orðanna ,,ekki í notkun`` komi annað orðalag, þ.e.: ,,hafa lítt eða ekki verið í notkun``. Þetta skiptir máli við mat á eignum, þ.e. hvaða eignir heimilt verður að meta niður þannig að gjaldstofn til greiðslu gjalda lækki.