Frsm. efh.- og viðskn. (Vilhjálmur Egilsson):
Hæstv. forseti. Ég mæli fyrir nál. efh.- og viðskn. um frv. til laga um heimild til hækkunar á kvóta Íslands hjá Alþjóðagjaldeyrissjóðnum.
Nefndin tók þetta mál fyrir, sendi það ekki út til umsagnar en fékk á sinn fund Ólaf Ísleifsson hjá Seðlabanka Íslands.
Með frumvarpinu er lagt til að heimiluð verði hækkun á kvóta Íslands hjá Alþjóðagjaldeyrissjóðnum úr 85,3 millj. sérstakra dráttarréttinda í 117,7 millj. Hækkunin hefur ekki áhrif á hag ríkissjóðs og með því að taka þátt í hækkuninni viðheldur Ísland atkvæðavægi sínu í stjórn sjóðsins. Hækkunin var samþykkt af sjóðsráði Alþjóðagjaldeyrissjóðsins 30. janúar 1998.
Efh.- og viðskn. mælir með samþykkt þessa frv. óbreytts.