Bryndís Hlöðversdóttir:
Herra forseti. Vakin hefur verið athygli á því við umræðuna að þetta mál er einstaklega illa undirbúið og óframkvæmanlegt í þeirri mynd sem það er í í dag. Óskýrleiki þess hefur síst minnkað við umræðuna í þinginu. Persónuverndin er ónóg, rannsóknafrelsinu er ógnað, einkarétturinn felur í sér óeðlileg afskipti ríkisvaldsins af atvinnustarfsemi og brýtur í bága við samkeppnisreglur EES-samningsins og meginmarkmið samkeppnislega en aðalástæða þess að ég styð frávísun málsins, herra forseti, er sú að málið er klúður frá upphafi til enda og hreinlega ekki tækt til afgreiðslu í þeirri mynd sem það er í í dag.