Ferill 382. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 771 — 382. mál.
Svar
landbúnaðarráðherra við fyrirspurn Gísla S. Einarssonar um markaðssetningu íslenska hestsins.
1. Hvernig hefur verið staðið að markaðssetningu íslenska hestsins í Norður-Ameríku, Englandi, Frakklandi, Belgíu, Hollandi, Þýskalandi, Danmörku, Noregi, Svíþjóð, Nýja-Sjálandi, Færeyjum og á Grænlandi?
Markaðssetning í þeim löndum sem hér eru tilgreind hefur fyrst og fremst verið unnin af einstaklingum og fyrirtækjum tengdum hrossaútflutningi. Mest hefur útbreiðslan orðið í Þýskalandi, enda hefur lengst verið starfað þar og margir Íslendingar sest þar að í þeim tilgangi m.a. að vinna að sölu hrossa. Markaðssetning hefur farið fram með sýningarhaldi, gerð og dreifingu kynningarefnis, mótshaldi, reiðkennslu og uppbyggingu reiðskóla, umfjöllun í fjölmiðlum o.fl.
2. Hvenær hófst markaðsstarf í hverju þessara landa fyrir sig og hverjir hafa unnið að markaðssetningunni?
Markaðssetning íslenska hestsins í Evrópu hófst upp úr 1950, m.a. fyrir forgöngu Gunnars Bjarnasonar. Samband íslenskra samvinnufélaga og Búnaðarfélag Íslands unnu að þessari markaðssetningu í upphafi, en hin síðari ár hafa það hins vegar fyrst og fremst verið einstaklingar, bæði Íslendingar sem og aðilar búsettir í viðskiptalöndunum. Félag hrossabænda var öflugur stuðningsaðili þessara mála og hjá félaginu starfar nú markaðsfulltrúi sem sinnir þjónustu við erlenda markaði, tekur þátt í sameiginlegum markaðsverkefnum og vinnur markaðskannanir o.fl. erlendis.
3. Hvaða áform eru um markaðsstarf í áðurnefndum löndum?
Útflutningur hrossa er fyrst og fremst í höndum einstaklinga og fyrirtækja. Ekki eru tiltækar upplýsingar um áform einstakra aðila um markaðssetningu í þeim löndum sem fyrirspurnin varðar. Hins vegar liggur fyrir að Félag hrossabænda er aðili að stóru kynningarverkefni í Bandaríkjunum sem ætlunin er að ýta úr vör fljótlega. Að því standa útflutnings- og markaðsnefnd fyrir hönd landbúnaðarráðuneytisins, hrossabændur, útflytjendur hrossa, erlendir aðilar og viðskiptaskrifstofa utanríkisráðuneytisins í New York. Einnig hefur Félag hrossabænda unnið að undirbúningi sýningarhalds á Bretlandseyjum sem og kynningum í tengslum við heimsmeistaramótið í Þýskalandi nk. sumar í samstarfi við Landssamband hestamannafélaga.
4. Hversu mörg íslensk hross hafa verið seld til hvers þessara landa?
Sjá eftirfarandi töflu.
Hér er myndað efni sem sést ekki í vefútgáfu
5. Hver er markaðshlutdeild íslenskra hesta sem ræktaðir eru í framangreindum löndum samanborið við hesta sem seldir eru héðan?
Ekki eru til upplýsingar um markaðshlutdeild hrossa frá Íslandi á móti innlendri ræktun í viðskiptalöndum. Í eftirfarandi töflu má hins vegar sjá hver heildarfjöldi íslenskra hrossa er erlendis samkvæmt könnun markaðsfulltrúa Félags hrossabænda:
Þýskaland 45.000 *
Danmörk 15.000
Svíþjóð 7.000 **
Austurríki 6.000
Sviss 5.000
Noregur 5.000
Frakkland 5.000
Holland 4.500
Bandaríkin 1.200 ***
Kanada 1.000
Finnland 700
Belgía 600
Bretland 400
Færeyjar 140
Ítalía 121
Lúxemborg 120
Slóvenía 100
Írland 50
* Ýmsir telja að enn fleiri íslensk hross séu í Þýskalandi, t.d. hafa forsvarsmenn Samtaka eigenda íslenskra hesta (IPZV) þar sagt opinberlega að allt að 60.000 íslensk hross séu í Þýskalandi.
** Þetta er sá fjöldi hrossa sem er skráður hjá Sænsku Íslandshestasamtökunum (SIF), en forsvarsmenn þar telja að með unghrossum og óskráðum hrossum séu allt að 10.000 íslensk hross í Svíþjóð.
*** Skráð hross í Bandaríkjunum eru um 750 en Íslandshestasamtökin þar segja töluna 1.200 nær fjöldanum eins og hann er í raun og veru.
Heimild: Félag hrossabænda.
6. Hverjir hafa sótt um stuðning til markaðssetningar hesta í þessum löndum sl. 10 ár? Hverjir hafa fengið stuðning?
Frá því að útflutnings- og markaðsnefnd hóf að úthluta styrkjum til útflutnings- og markaðsmála árið 1996 hafa eftirtaldir aðilar hlotið styrki til markaðsverkefna í þeim löndum sem talin voru upp í fyrirspurninni:
1. Sigurbjörn Bárðarson og Axel Ómarsson, til áframhaldandi markaðsstarfs í Ameríku.
2. KAM, kvikmyndafyrirtæki, Konráð Gylfason, til markaðsstarfs í Frakklandi.
3. Sigurður Marínusson, til markaðsstarfs í Bandaríkjunum.
4. Hestaíþróttasamband Íslands, til markaðsstarfs í Noregi.
5. Haraldur Þórarinsson og Hjörtur K. Einarsson í samstarfi við Atvinnuþróunarsjóð Suðurlands, til markaðsstarfs í Bandaríkjunum.
6. Anders Hansen, hrossabú á Árbakka, til markaðsstarfs í Bandaríkjunum.
7. Baldvin Ari og Sigurbjörn Bárðarson, Equitana, til markaðsstarfs í Bandaríkjunum.
8. Gunnar Arnarson, til markaðsstarfs í Þýskalandi.
9. Sölusamtök íslenskra hrossabænda, til markaðsstarfs í Kanada og Ameríku.
10. Árbakki – hrossaræktarbú, til markaðsstarfs í Bandaríkjunum.
Eftirtaldir aðilar hafa sótt um styrk til markaðsstarfa í sömu löndum en ekki fengið:
1. Icehorse USA, Valur Blomsterberg, til markaðsstarfs í Kaliforníu.
2. Sigrún Brynjarsdóttir, Akureyri, til markaðsstarfs í Bandaríkjunum.
3. Fákar ehf., Magnús Bjarnason, til markaðsstarfs í Evrópu.
4. Herbert Ólason og Ásgeir Herbertsson, til markaðsstarfs í Þýskalandi.
5. Anders Hansen, Hellu, til markaðsstarfs í Bandaríkjunum.
6. Eiðfaxi ehf., til markaðsstarfs í Noregi.
7. Helgi Leifur Sigmarsson, til markaðsstarfs í Sviss.
8. Þórir Magnús Lárusson, til markaðsstarfs í Bandaríkjunum, Kanada, Hollandi og Stóra-Bretlandi.
9. Félag hrossabænda, til markaðsstarfs í Bandaríkjunum.
10. Sigurbjörn Bárðarson og Axel Ómarsson, til markaðsstarfs í Sameinuðu arabísku furstadæmunum.
11. Borði-Banner, til markaðsstarfs í Bandaríkjunum.
12. Reynir Aðalsteinsson, til markaðsstarfs í Þýskalandi.
13. EDDA Hestar, til markaðsstarfs í Kanada.
14. Bændaskólinn á Hvanneyri, til markaðsstarfs í Texas, Bandaríkjunum.
15. Björn Ólafsson, til markaðsstarfs í Bandaríkjunum.
16. Bjarni Guðmundsson, til markaðsstarfs í Noregi.
17. Sigurður Guðmundsson, til markaðsstarfs í Noregi.
18. Davíð Ingason, Svíþjóð, vegna áburðar til að græða sár og koma í veg fyrir sumarexem.
19. Eyvindur Bergmann, til markaðsstarfs í Kaupmannahöfn.
20. Þórir Örn Grétarsson, til markaðsstarfs í Austur-Þýskalandi.
21. Monique Jaquette og Friðbert Njálsson, til markaðsstarfs í Frakklandi.
22. Sveinn Jónsson, til markaðsöflunar erlendis.
23. Islandshester, til markaðsstarfs í Noregi.
24. Bændaskólinn Hvanneyri, til markaðsstarfs í Kanada og Bandaríkjunum.
25. Helgi Sigurðsson, til þýðingar bókar.
26. Sigurbjörn Bárðarson og Baldvin Guðlaugs, til markaðsstarfs í Bandaríkjunum.
27. Örlygur Hálfdánarson, til útgáfu kynningarefnis.
28. Myndbær hf., kynningarmynd um íslenska hestinn.
Á árunum 1990–98 hefur Framleiðnisjóður landbúnaðarins veitt eftirtöldum aðilum styrki til markaðsstarfs í þeim löndum sem tilgreind eru í fyrirspurninni:
1. Félag hrossabænda, til markaðsöflunar erlendis.
2. Félag hrossabænda, til markaðsstarfs erlendis.
3. Sölusamtök íslenskra hrossabænda hf., til kynningar- og markaðsátaks á Bretlandi.
4. Félag hrossabænda, til sýningar- og kynningarstarfa erlendis.
5. Krafthestar sf., til útflutnings hesta til Samabyggða, Svíþjóð.
6. Þórarinn Jónasson, til kynningar á hestum í Bandaríkjunum.
7. Þórarinn Jónasson, til sýningarhalds á hrossum í Kaliforníu, Bandaríkjunum.
8. Félag hrossabænda, til markaðsstarfs í Bandaríkjunum.
9. Félag hrossabænda, til markaðsstarfs erlendis.
10. Félag hrossabænda, til markaðsstarfs í Bandaríkjunum.
11. Félag hrossabænda, til markaðsstarfs erlendis.
12. Félag hrossabænda, til markaðsstarfs í Noregi.
13. Friðbert Njálsson, til markaðsstarfs í Frakklandi.
Á sama tíma hafa eftirgreindir aðilar sótt um styrki til markaðsstarfs í sömu löndum en ekki hlotið jákvæða afgreiðslu:
1. Safco hf., til markaðsstarfs í Þýskalandi.
2. Félag hrossabænda, vegna hestaferðar Pauls Rasks frá Danmörku til Kína.
3. Þórarinn Jónasson, til sýningarhalds á hestum í Bandaríkjunum.
4. Þórarinn Jónasson, til hestasýningarferðar í Bandaríkjunum.
5. Ásgeir S. Herbertsson, til hestaútflutnings til Bandaríkjanna og Kanada.
6. Sölusamtök íslenskra hrossabænda hf., til markaðssetningar hesta í Bretlandi.
7. Víking-hestar sf., til markaðsstarfs í Texas, Bandaríkjunum.
8. Ísen ehf., vegna hestabúgarðs í Litháen.
9. Sigurður Sæmundsson, til hestasýningar í Bandaríkjunum.
10. Jón Friðriksson, til hestasýninga í Noregi.
11. Sæmundur og Árni sf., vegna aðstöðu til markaðssetningar á hestum í Noregi.
12. Friðbert P. Njálsson, til að koma upp aðstöðu til sölu á hestum í Frakklandi.
13. Sæmundur og Árni sf., til reksturs hestabúgarðs í Noregi.
14. Félag hrossabænda, til markaðsstarfs í Þýskalandi.
15. Friðbert P. Njálsson, til sölumiðstöðvar fyrir hesta í Normandie, Frakklandi.
16. Sölusamtök íslenskra hrossabænda hf., til hestaútflutnings til Kanada.
17. Félag hrossabænda, til markaðsstarfs í Þýskalandi.
18. Íslenski hreingæðingurinn, til markaðsstarfs í Frakklandi.
7. Er áformað að styrkja útflutning og markaðsstöðu íslenskra hrossa í þessum löndum? Ef svo er, á hvern hátt?
Í fjáraukalögum fyrir árið 1998 fékkst 10 millj. kr. framlag til að styrkja hrossaræktina vegna tjóns sem orðið hefur vegna smitandi hrossasóttar. Ákveðið er að 5 millj. kr. af þessu framlagi verði varið til að styðja markaðsstarf erlendis samkvæmt ákvörðun útflutnings- og markaðsnefndar og 5 millj. kr. til félagslegra verkefna í þágu útflutnings samkvæmt ákvörðun Félags hrossabænda.
Ekki eru uppi önnur áform um fjárstuðning við markaðsöflun fyrir hross í viðkomandi löndum umfram það sem felst í ákvæðum laga um útflutning hrossa, nr. 161/1994, og hugsanlegum áframhaldandi stuðningi Framleiðnisjóðs landbúnaðarins við verkefni á þessu sviði.
