Ferill 521. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 1085 — 521. mál.
Breytingartillögur
við frv. til l. um breyt. á l. nr. 117/1993, um almannatryggingar, með síðari breytingum, og um breyt. á l. nr. 118/1993, um félagslega aðstoð, með síðari breytingum.
Frá Össuri Skarphéðinssyni, Bryndísi Hlöðversdóttur,
Ástu R. Jóhannesdóttur og Ögmundi Jónassyni.
1. Á undan 1. gr. komi ný grein, svohljóðandi:
Á eftir 1. málsl. 1. mgr. 5. gr. laganna koma tveir nýir málsliðir sem orðast svo: Landssamband eldri borgara tilnefnir til tveggja ára einn aðalmann í tryggingaráð og annan til vara. Öryrkjabandalag Íslands tilnefnir til tveggja ára einn aðalmann í tryggingaráð og annan til vara.
2. Við 4. gr.
a. Í stað upphæðarinnar „181.476 kr.“ í a-lið komi: 191.622 kr.
b. b-liður orðist svo: 3. mgr. orðast svo:
Lífeyrir hjóna, sem bæði fá lífeyri, skal nema tvöföldum lífeyri einstaklings. Heimilt er þó að miða lífeyri beggja við búsetutíma þess sem á lengri réttindatíma, sbr. lokamálslið 2. mgr.
3. Við 14. gr. Greinin orðist svo:
Eftirfarandi breytingar verða á 33. gr. laganna:
a. F-liður 1. mgr. orðast svo: Að greiða kostnað samkvæmt nánari ákvörðun tryggingaráðs vegna psoriasissjúklinga sem að mati sérfræðinga þurfa að leita læknishjálpar á meðferðarstofnunum psoriasissjúklinga sem komi í stað sjúkrahúsvistar. Beri meðferð psoriasissjúklings hér á landi ekki fullnægjandi árangur að mati sérfræðinga og þörf er á loftslagsmeðferð á meðferðarstöð erlendis skal Tryggingastofnun ríkisins greiða kostnað fyrir allt að fjögurra vikna meðferð á ári samkvæmt nánari útfærslu í reglugerð.
b. 2. mgr. fellur brott.