[prenta uppsett í dálka] 4. fundur, 124. lþ.
Forsætisráðherra (Davíð Oddsson):
Herra forseti. Ég hlýt að vekja athygli á því að í stjórnarsáttmálanum er sérstaklega vikið að þessum þáttum. Ég geri ráð fyrir að við séum að tala um að tillögur starfshópsins, það er að vísu eftir minni sagt, hljóði upp á 200--300 millj. kr. á ársgrundvelli. Þetta eru allt töluvert miklir fjármunir og því ekkert óeðlilegt að yfir þau mál sé farið mjög ítarlega. En um þessi mál er rækilega fjallað í stjórnarsáttmála og eindregin áform ríkisstjórnarinnar að taka mjög fast á málaflokknum á þessu kjörtímabili.
