Jón Bjarnason (andsvar):
Herra forseti. Ég vil horfa dálítið lengra fram í tímann en hv. þm. Kristján Möller og þess vegna teldi ég alveg eðlilegt að inn í þennan lista upp á 21 verkefni mætti standa liður nr. 22, en ég er líka alveg sammála honum um að þingmenn á þessari öld muni í sjálfu sér taka á þessu máli. En ég, herra forseti, vil gjarnan horfa svolítið lengra þó að ég sé alveg ánægður með þær áherslur sem settar eru fram að öðru leyti í jarðgangaáætluninni.