[prenta uppsett í dálka] 70. fundur, 125. lþ.
Drífa Hjartardóttir:
Herra forseti. Ég vil þakka hv. þm. Helgu Erlingsdóttur fyrir að bera fram þessa fyrirspurn. Ég flutti þessa þáltill. á 123. þingi og það er ánægjulegt að heyra að iðnrh. mun tilnefna nú í þessa nefnd. Ég tel málið mjög mikilvægt. Þetta er mjög mikilvægt byggðamál. Þetta er afar mikilvægt þegar byggja á upp iðnaðarfyrirtæki í dreifbýli og hvað varðar búrekstur þá munar þetta gríðarlegaum fjárhæðum. Þegar bændur urðu að tankvæða upp á nýtt og kaupa sér nýja tanka, þá munaði um það bil 300--400 þús. kr. á einum mjólkurtanki fyrir eitt bændabýli þannig að þetta eru alveg gríðarlega miklir hagsmunir fyrir landsbyggðina.
