Sigríður A. Þórðardóttir (andsvar):
Herra forseti. Eins og öllum má vera ljóst er um stjtill. að ræða sem þingflokkur Sjálfstfl. styður og hefur heimilað framlagningu á fyrir sitt leyti. Engin ástæða er til þess að efast um heilindi þingflokks Sjálfstfl. í þeim efnum. Hins vegar hefur það líka alltaf verið ljóst að það hafa verið uppi efasemdarraddir um málið í Sjálfstfl. og hv. þm. Einar Kristinn Guðfinnsson hefur einmitt lýst þeim efasemdum sínum í þingræðum þannig að það þarf ekki að koma neinum á óvart. Hann er með sérnefndarálit og hefur gert grein fyrir afstöðu sinni í umræðum um málið.